الصــراخ و الضرب .. وسيلة المجتمعات الغريبة الدائمة ..
في حـــل مشاكلهــا ..
الصراخ و الضرب كأنه فايروس ينتشر في العايلـــه ..
من غيـــره ما نعرف نحـــل مشكلــه ..
ما يصير ما يستوي أصلا ..
صح ..؟؟!!
غيـــر الصراخ و الضرب ما شـــي حل ما شي تفاهم ..
كـأنه عاده مزروعـــه عندنـــا ..
بخبركم موقف ..::
مرة كنت في البستان مول .. كنت شالة بيدي آيس كريم ..
يه ياهل تونه يمشي يبا الآيس كريم .. يت أمه و شلته و صفعته كف و صارخت عليه ..
انا انصدمت .. قلت ياهل ما يفهم .. ليش تضربــه ..؟؟
ليش تصارخ عليــــه .. نصمت زو لأنه الياهل ما صارخ .. قلت لختيه .. جوفي ما صاح ..
قالت : أنا بالنسبة لي كأم و عندي أسره صدقيني أنه متعود ع هالضرب دامه ما صاح ..
و الله كــان خاطري أصفع امه مثل ما صفعتــه .. و الله من كثر ما عصبت رحت عطيته الأيس كريم ..
عناد في امه هع .. هاي عايلة خليجيه من دون ذكر اسم الدولـه ..
............ْ~
يعني ياهل ارتكب شي غلط ----> صارخنا عليــه ..
شو مصيره أكيد بيسكت ..
بنت كبيرة سوت شي غلط ----> ضربناها و صارخنا عليها ..
ولد ما سمع الكلام ----> صارخنا و ضربناه ..
ممكن بشكارة غلطت بعملها -----> صارخنا عليها و ضربناها ..
ثرانا ماشي تعامل ..!!!
ليش صار الصراخ و الضرب سلاحنا لها الأيام ..
أسئلة تطرح عمرهـــا ..ْ~
ما رايكم بهذه الظاهره ..؟؟
هل انتم مؤيدون لهذه الظاهره ..؟؟
من هو المسؤول ..؟؟؟
ما هي الاسبااب..؟؟
وما هي الحلول ..؟؟
ريماس
موضوع: اسكت ولا اهفك بكـف 
السبت أبريل 12, 2008 5:58 pm